Baita ere erantzun nahi nioke euskalherri politikoaz ari naizen ala ez galdetzen didanari.

Ba ez dakit, euskal herri politikoa da dagoen euskal herri politikoa, alde batetik EAE, bertzetik Nafarroa, eta bertzetik iparraldea. Horren alde nagoen ala ez? Ba hori da dagoena, eta borroka demokratikoek hortik abiatu behar dute. Nafarroan ditugun erronkak asko dira: etorkinen integrazioa, euskara, ekonomia arloan, etxebizitza, autogobernua, identitateen arteko gatazaka eta ezinikusia, guztiok gizarte beraren kide izatearen sentimendua galerazten duena, denboraren poderioz eta de facto Nafarroa ezberdinak sortu dituenak, bai sentimenduz eta abar. Mendian ez da erribera ezagutzen, eta erriberan ez da mendia ezagutzen, iruñerrian bertan ere elkar ezagutzen ez duten elkarri inongo estimurik ez dioten iruñea ezberdinak daude, eta denok dute "nafarroa" ahotan.
Gure gizarteak dituen erronkei aurre egiteko nire iritiziz Nafarroa Bairen proposamena egokia da, errotik demokratikoa izan nahi duelako -"demokratak eguneko 24 orduz"- eta sensibilitate ezberdineko nafarron elkargunea bilakatu nahi duelako.
Independentzia, lurraldetasuna ... ¿zer da hori? kontzeptu horiek, eta hare gehiago modu absolutuan aldarrikatuta, ez dute balio gizarte honek dituen erronkei aurre egiteko.

atzo "euskalherri zalea" nintzela aitortu nuena naiz.
oso ondo iruditzen zait independentziaren alde-eta borroka egitea, ni ez naiz espainol sentitzen adibidez. baina badirudi ahaztu egin dutela batzuek independentzia lortzeko herri honen gehiengoak hori nahi izan beharko lukeela, eta Nafarroan gehiengo hori ez dago. Egia da baldintza demokratiko batzuk falta direla, erabakitzeko eskubidea adibidez, baina gauza horiek guztiak lortzeko, lehenik eta behin Nafarroan jende askok ez bakarrik abertzeleekiko, baizik eta euskaldunokiko sentitzen duten "beldurra"rekin amaitu behar da. "Independentzia" ohiu egitea oso ondo dago, baina Nafarroan horrek ez du ezertarako balio, barnea husteko besterik ez.
Lehenengo geure burua euskalduntzat dugunok Nafar gizarteari erakutsi behar diogu gai garela Nafarroa osorako proiektu integratzaile eta ezkertiar bat aurrera eramateko, nafarren mesederako. Hori gabe ez dago ezer. Hori da helburua, bertzerik ez.
Nafarroaren autogobernua eta nafar gizartearen interesa euskalherrizaletasunetik eta ezkerretik UPN-k baino hobeto defendatu ahal daitezkeela demostratu egin behar da, ez aldarrikatu bakarrik. Eta hori eguneroko lana da, gauza txikienengatik ere kezkatuz, parkeak garbi edukitzearen kezka, parte-hartze sozialaren kezka, etorkinen integrazioari buruzko kezka ... eta gauzak egin.
Oihu egiteak eta banderak aireratzeak ez du ezertarako balio.
Eta gero, gerokoak.

Ba zorionak! ni ez.
-
Euskal Herrizalea zarenean ez dut argi zer erran nahi duzun. Euskal Herria kulturalaz ari bazara ez dauka zentzu handirik ezta? azken finean euskaltzalea izatea eta euskal herri zalea izatea eskutik doaz.
-
Orduan Euskal Herri politikoaz ari zarela pentsatzen dut. Ez dut ulertzen Euskal Herria politiko baten alde egitea eta abertzale ez izatea.

Ni oso harro nago Nafarroa Baiekin, eskuinaren eta sasi-ezkerraren (psn-ren) gezurrak agerian uzten dituelako.

Ez dute ezta Nafarroako autogobernua ere defendatzen ... horretarako balio izan du NaBaik, eta PSN-ren koldarkeria eta UPN-rekiko borondatezko menpekotasuna ere agerian uzteko. Hori ANV-k ezin izango luke inoiz ere lortu.

Ni ez naiz berez abertzalea, baina bai euskaltzale amorratua. NaBai nafar gizartearen alde lan egin behar du, euskal mundutik edo euskaherrizaletasunetik -ni euskalherrizalea ere banaiz!-, baina betiere Nafar gizartearen alde, eta ez alderantziz, Nafar gizartea erabili euskalherriaren alde. Hori gizarteari trufa egitea baita. Lehenengoa da nire iritziz euskaldunon herria eraikitzeko modu bideragarri bakarra.

Aupa NaBai!

"Hemendik"? Nondik ba? Gainera, hurbiltasun ala urruntasun sentsazioak begiralearen ikuspuntuaren menpe dago: perspektiba legea.